किरण अधिकारी
कालिकोट
राष्ट्रपति शैक्षिक सुधार कार्यक्रमका लागि कालिकोटका ३४ विधालय छनौट भएका छन् । चालु आर्थिक वर्ष २०८२/०८३ मा कार्यान्वयन हुने कार्यक्रमका लागी कालिकोटका ३४ वटा विधालय छनोट भएका हुन् ।
जसमा खाडाचक्र नगरपालिकाका ६ वटा, महावै गाउँपालिकाका २ वटा, नरहरिनाथ गाउँपालिकामा ५ वटा, पचालझरना गाउँपालिकाका ५ वटा विधालय छनोट भएका छन् ।
त्यसैगरी पलाता गाउँपालिकाका ६ वटा, रास्कोट नगरपालिकाका ३ वटा, शान्नि त्रिवेणी गाउँपालिकाको १ वटा,तिलागुफा नगरपालिकाका ३ र शुभकालिका गाउपालिकाका ३ वटा विधालय गरी कालिकोट भरिबाट ३४ वटा विधालय राष्ट्रपति शैक्षिक सुधार कार्यक्रममा छनोट भएका शिक्षा विकास तथा समन्वय ईकाई कालिकोटका प्रमुख हर्ष प्रसाद चौलागाईले बताएका छन । छनोट भएका सबै विधालयमा आबश्कता अनुसार २,४ र ८ कोठे पक्की भवन निर्माण हुने छन् ।
